Çox isti olmadan

Heç cür sevə bilmədim bu qışı,

Soyuğuna isinə bilmədim.

Donan hisslərimi daha da dondurur.

Amma artıq öyrəşmişdim.

Bu qış gününə yay uyğun deyil.

İstəklərimlə olmazlarımı bir araya gətirə bilmərəm,

Hansının çəkisinin daha ağır olacağını görməkdəndir qorxularım.

Bu qorxularımı görmə, sadəcə mən göstərdiklərimin ağırlığına aldan.

Özümü gizlətmişəm, tap, amma xəbər vermə.

Gizli qala bilməyimə kömək et.

Mən qışda qışı yaşamağı öyrənmişəm,

Yayı gətirmə.

Gətirsən, qışda yayı yaşamağı öyrət.

Bu yayın məni çox isitməyəcəyini,

Donan hisslərimi əritməyəcəyini,

Qışın məndəki qanunlarını pozmayacağını, 

Qəlbimdəki doğruların doğru olmadıqlarını,

Söylə.

Yay gələndə məni böyük qışlarla üz-üzə qoymayacağını

Söz verə bilərsən?

Heç sinoptiklər də havanın yayda necə olacağını bilmirlər.

Amma hamımız ümüd edirik ki,

Yaya xas olanlar yaşanacaq sadəcə,

Və bir az sərin

Çox isti olmadan.

Deyim sənə hansı havaları xoşlamıram?

Külək, yağış, qar...

Yazı yaşat, bacarsan, amma, çox isti olmadan...